Plantun de Prouvènço

Pèr coumpara dos planto d'encò nostre

Plantago bellardii & Silene portensis

Plantago bellardii

Plantaginaceae

Nom en français : Plantain de Bellardi.

Descripcioun :
Aquéu plantage de l'an trachis dins li repiero seco sus siliço o argielo. Es uno planto de coustiero que s'aluencho raramen de la mar. Se recounèis subretout qu'èi pelu d'en pertout ; de péu pas trop noumbrous, mai long e que s'escarton bèn di cambo e di fueio. Poudèn apoundre que lis antèro an uno pouncho (fotò).

Usanço :
Emai aguèn ges d'entresigne segur, poudèn pensa que, coume tóuti li plantage, aquéu èi bessai vertuous. Emé si long péu dèu pas èstre bèn manjadis.

Port : Erbo
Taio : 3 à 12 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Plantago
Famiho : Plantaginaceae

Ordre : Lamiales

Coulour de la flour : Verdo
Petalo : 4
Ø (o loungour) enflourejado : 2 à 6 cm
Flourido : Printèms

Sòu : Si
Autour basso e auto : 0 à 1000 m
Aparado : Noun
Remarco : Planto de coustiero
Mars à jun

Liò : Tepiero seco
Estànci : Termoumediterran à Mesoumediterran
Couroulougi : Estenoumediterrano
Ref. sc. : Plantago bellardii All., 1785

Empeganto-(di-port)

Silene portensis

Caryophyllaceae

Noms en français : Silène des ports, Silène de Porto.

Descripcioun :
Planto de l'an, primo e ramificado que trachis dins lis ermas e tepiero sablouso. Rèsto soulamen au couchant de Prouvènço (Plano de coustiero e Valado dóu Rose) e èi proun raro. Li fueio soun estrecho, li flour d'un rose palinèu dounon d'èr à de pichòti massugo. I'a ges de péu sus lou calice de la flour.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Silene
Famiho : Caryophyllaceae

Ordre : Caryophyllales

Coulour de la flour : Roso
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Si
Autour basso e auto : 0 à 200 m
Aparado : Noun

Liò : Terraire safrous - Tepiero seco - Sablo
Estànci : Mesoumediterran à Coulinen
Couroulougi : Pancaro entresigna
Ref. sc. : Silene portensis L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Plantago bellardii & Silene portensis

ges

Coumpara Plantage(-de-Bellardi) emé uno autro planto

Coumpara Empeganto-(di-port) emé uno autro planto